فنان مصري يفتح النار على نجوم مسلسلات رمضان 2019

  • تاريخ النشر: الأحد، 19 مايو 2019
فنان مصري يفتح النار على نجوم مسلسلات رمضان 2019

شن الفنان المصري محمد أنور هجومًا على زملائه بالوسط الفني الذين لم يظهروا خلال الموسم الجاري في شهر رمضان بأعمال فنية وآخرين مشاركين بمسلسلات يدفعون مبالغ مالية لتتصدر وسوم مواقع التواصل الاجتماعي.

ونشر محمد أنور تدوينة مطولة على حسابه بموقع التواصل الاجتماعي، فيسبوك، اليوم الأحد جاءت:"أولاً.. مع احترامي لكل المخرجين والممثلين والمؤلفين اللي مشتغلوش في رمضان السنة دي واللي فعلاً فيهم ناس كتير ونجوم كبار أنا شخصيًا مفتقدهم كمتفرج السنة دي لكن فيه ناس مش فارق عدم وجودهم في شيء بالعكس عدم وجودهم رحمه لينا كمشاهدين وللأسف هما دول بقي اللي قاعدين يشتمو ويلعنو في مستوى مسلسلات رمضان السنة دي وإن المستوى ضعيف ياعيني على أساس إنهم لما كانو بينزلوا بمسلسلات في رمضان كانو بيعملوا game of thrones و breaking bad والحقيقة بقي إنهم كانو بيعملو أفشل مسلسلات ومحدش كان بيحب يجرحهم ويقولهم أيه القرف ده".

وتابع أحد نجوم فريق مسرح مصر تدوينته قائلاً:"ثانيًا.. للأسف الصحافة الفنية في مصر فيها ناس محترمة جدَا وناقدين فنيين مهمين بيفيدوا الفنان فعلاً بنقدهم سواء سلبي إو إيجابي لكن للأسف الكثير منهم بيقولو رأيهم في الفنان على حسب حبه أو كرهه للفنان أو أن الناقد ده صاحب الفنان الفلاني فبيشتم منافسين الفنان ده ويمدح فيه هو وبس وكل فنان للأسف حواليه ناقدين بيمدحوه ويشتموا في منافسيه فتلاقي الناقد من دول بيمدح في عمل فني فاشل وفشله واضح للجميع وبيشتم في عمل فني ناجح جدًا".

وأتم أنور حديثه بقوله:"والأغرب تلاقي ناقد يطلع يقولك أن مسلسل كذا الناس بتشوفه ومسلسل كذا محدش بيشوفه.. أنت عرفت منين الناس بتشوف أيه ومابتشوفش أيه، أنت نزلت سألت الـ١٠٠ مليون ولا بتحسبها بالترند بتاع تويتر اللي بيتدفع فيه ٧ آلاف جنيه كل يوم.. بطلو بقى كلام باسم الناس عشان إحنا كلنا هنا بنتوجه ناحيه حاجه والناس في الشارع بتحب وبتتفرج على حاجة تانيه خالص".

ويُشارك محمد أنور خلال شهر رمضان بثلاث مسلسلات وهي طلفة حظ مع الفنان مصطفى خاطر والبرنسيسة بيسة مع الفنانة مي عز الدين والجزء الثالث من مسلسل كلبش الذي يقوم ببطولته الفنان أمير كرارة.

فنان مصري يفتح النار على نجوم مسلسلات رمضان 2019