صورة:هكذا ساند المطرب تامر حسني زميله رامي جمال بعد إصابته بـ "البهاق"

أعلن الفنان المصري تامر حسني، دعمه لزميله المطرب رامي جمال الذي أعلن إصابته بمرض البهاق، الأمر الذي قد يدفعه لاعتزال الغناء خلال الفترة المقبلة.

شاهد أيضًا: فيديو: موقف رائع لتامر حسني خلال حفله بمهرجان صلالة‎

تامر حسني نشر صورة تجمعه برامي جمال وأخرى بمنشوره الذي أعلن عبره إصابته بالبهاق، اليوم الاثنين، مُذيلاً إياهما بتعليق:"إلى الفنان الكبير و الصديق الحقيقي و المحترم رامي جمال يا حبيبي أنت فنان كبير و محبوب و ليك قيمتك و كل الناس بتحبك و مفيش حاجه هتعطلك عن نجاحك وتعبك دا لاهو مؤذي ولا مُعدي و كل الناس جواها تعب في منه اللي ظاهر و في منه اللي مش ظاهر حتى لو كان تعب نفسي أو مادي كل شخص جواه وجع من حاجة معينة المهم إننا نبص ونتعلم من اللي ظروفهم أصعب مننا و رغم كدا عندهم صبر و بينجحوا في الاختبار و بيقولوا الحمدلله و مكملين وعندهم إرادة و بينجحوا أكثر من الأول".

وتابع حسني قائلاً:"لازم تكمل نجاح يا رامي و شيل أي هلاوس من دماغك وأوعى تخبي نفسك اللي بيحبك بيحبك لشخصك و فنك صدقني دي حاجة عادية يا رامي والله ملهاش أي تأثير لا عليك ولا على جمهورك بالعكس بقى أنت أكيد شايف الناس كلها طيبين إزاي ونفسهم يفرحوك وبعدين افتكر ان مايكل چاكسون جاله نفس اللي جالك و بقى أسطوره مبتتكررش خالص وأنت فنان و عارف".

شاهد أيضًا: صور: في ذكرى ميلاده.. 10 معلومات قد لا تعرفونها عن مايكل جاكسون

وأتم حسني حديثه بقوله:"أنا واثق أنك مؤمن و بتحمد ربنا و هتقوم و هتكمل و هفكرك قدام كل الناس اللي شايفه كلامي أنك هتنجح أكتر وأكتر و ربنا هيكرمك أجمل كرم و هتشوف قريب..بحبك يا رامي".

وكان رامي جمال قد أوضح أنه كان يُخفي إصابته بـ "البهاق" خلال الفترة الماضية؛ لإحياء الحفلات ولكن الأمر لم يعد يمكن إخفائه مما يجعله يفكر في اعتزال الغناء والعمل في مهنة أخرى.